O primeiro xornal no mundo

Hai máis de 2000 anos publicouse o que está considerado o primeiro xornal da historia. Chamábase Acta Diurna e era un boletín informativo coas novas oficiais do goberno na época de Xulio Cesar. Como vedes xa estaba influenciada polo poder como ocorre hoxe en día en tantos casos.

Aínda que nun primeiro momento o obxectivo do xornal era difundir accións do do goberno de Roma, co paso do tempo extendeuse a outro tipo de novas de interese xeral como os casamentos e defuncións de persoeiros senlleiros, notas legais e incluso anuncios publicitarios como subastas de esclavos.

Estas actas eran realizadas en metal ou pedra co escudo do goberno para evitar alteracións ou falsificacións e estaban ubicados en lugares de acceso público do Foro.

Non se conserva ningún orixinal pero sí copias realizadas en papiro para poder levar as novas ás provincias do Imperio.